Wednesday, March 28, 2012

March 28


Mga komiks (comics) na lumabas sa sirkulasyon sa buwan ng Marso

 
MARCH 28

Espesyal Komiks Blg. 308, Marso 28, 1966.
Tampok sa taklob-pahina ang kakaiba bagama’t orihinal na nilikhang superhero
ni Rex Guerrero na si Captain Suicide.

 

Marso 28 sa Kasaysayan ng Pilipinas

          Ika-28 ng Marso, 1521 noong marating ni Ferdinand Magellan ang isla ng Limasawa. Nang sumunod na araw ay nakipag-sanduguan (blood compact) siya kay Datu Kolambu, ang pinuno ng mga katutubo sa isla.
                                                          o     O     o

          Natapos ni Dr. Jose Rizal ang kaniyang ikalawang nobelang El Filibusterismo sa Biarritz, France noong Marso 28, 1891.
                                                          o     O     o


Personalities and celebrities born on March 28:
1926 –  Virgilio Puruganan Redondo, komiks writer and artist –  in San Esteban, Ilocos Sur(d. April 13, 1997).
1945 –  Rodrigo Roa Duterte, lawyer, public official, congressman and 16th president of the Philippines, Maasin, Southern Leyte.

President Rodrigo "Digong" Duterte on the cover of People Asia, July 2016.

1956 – Ariel Querubin, military officer.
1976 – Roselle Nava, multi-platinum soprano singer, actress, TV host and public official – in Paranaque City.
Roselle Nave on the cover of Celebrity World Vol. 4 No. 239, March 11, 1996
 
1984 – Joseph Bitangcol, actor – in pampanga.
1986 – Dion Ignacio (full name Dion Joseph Ignacio), actor and model – in Laguna.


Ang Tsunami

          Alam niyo ba kung paano nabubuo ang tsunami? Ang tsunami ay sunud-sunod na rumaragasang daluyong ng karagatan (traveling ocean waves) na nalilikha ng paggalaw sa ilalim ng karagatan na dulot ng lindol, pagsabog ng bulkan o pagguho ng lupa sa ilalaim ng dagat, o ang pagbulusok ng isang bagay katulad ng malaking tipak ng bato mula sa mataas na bundok o ng meteorite mula sa kalawakan sa ibabaw ng karagatan.
                                                          o     O     o

          Mula ang terminong “tsunami” sa salitang Hapon na ang ibig sabihin ay “harbor wave” o “daluyong sa pampang.” Ito ang ibinigay na tawag ng mga mangingisdang Hapon sa mga mapanirang alon na sumasalanta sa kanilang coastal communities. Subalit iba ang tsunami sa tidal wave. Ang tsunami ay hindi lang isa kundi sunud-sunod na daluyong na rumaragasa sa bilis na 400 hanggang 600 kilometers per hour. Ang tsunami ay hindi “rolling waves” at hindi surfable. Kung magtatangka ang isang surfer na sumakay sa tsunami, lalamunin siya ng mga nag-aalimpuyong daluyong (turbulent waves) nito.
                                                          o     O     o

          Karaniwang ang first wave o unang daluyong ay hindi ang pinakamalaki. Depende ito sa lakas ng pagyanig, layo ng pinanggalingang paggalaw, at lakas ng pagbuwelta ng daluyong.
                                                          o     O     o

          Sa gitna ng karagatan, halos hindi mararamdaman ng malalaking barko ang tsunami. Ito ay dahil sa mababa lamang ang amplitude nito kumpara sa mahabang wavelength. Subalit habang lumalapit sa pampang, tumataas ang amplitude ng tsunami at lumalakas ang puwersa.
                                                          o     O     o

          Ang pinakamataas na tsunami sa recorded history ng daigdig ay naganap sa Lituya Bay, Alaska, noong July 1958. Isang napakalaking tipak ng yelo at bato ang bumagsak sa tubig at lumikha ng tsunami na may taas na 500 metro (1,640 talampakan).
                                                          o     O     o

          Ang pinakamalakas na lindol – Magnitude 9.5 – na naganap sa daigdig noong May 22, 1960, na naganap malapit sa dalampasigan ng South Central Chile, ay lumikha ng isang Pacific-wide tsunami na naging mapaminsala sa malaking bahagi ng Chile at sa ikatlong bahagi ng Pacific Ocean. Umabot ang daluyong nito sa Hilo, Hawaii, sa kalagitnaan ng Pacific Ocean.
                                                          o     O     o

          Sa 9.1-magnitude na lindol naman na naganap sa dalampasigan ng Banda Aceh, Indonesia, noong December 26, 2004, isang 30 metro (100 talampakan) na tsunami ang nalikha. Dahil sa tagal at lakas ng pagyanig, umabot ang tsunami sa East Africa, libu-libong kilometro ang layo. Ang Indian Ocean-wide tsunami na ito na kumitil sa buhay ng humigit-kumulang 200,000 katao ang “deadliest tsunami” sa kasaysayan.
Ang tsunami na naganap sa bansang Japan,
sa cover story na “Apocalypse Now” ng
Newsweek March 28, 2011 issue.
                                                          o     O     o

           Ang Great East Japan Earthquake na may lakas na Magnitude 9.0 na naganap noong March 11, 2011 sa underwater epicenter na 70-kilometero sa silangan ng Oshika Peninsula sa Tohuko, Japan, ay lumikha ng tsunami na may taas na 40.5 metro. Sa lugar ng Sendai, umabot ang rumaragasang alon papaloob ng kalupaan hanggang 10 kilometro. Ayon sa Japan National Police Agency, umabot ang bilang ng mga nasawi sa 15,854, at ang bilang ng nasaktan ay nasa 26,992. Hanggang sa kasalukuyan, 3,155 pa ang nawawalang biktima. Winasak ng tsunami ang 1,095,195 gusali.
                             o     O     o

          Sa Pilipinas, ang tsunami na nilikha ng Magnitude 8.0 na lindol na naganap sa Moro Gulf sa Mindanao noong August 17, 1976, ang itinuturing na pinakagrabe sa kasaysayan ng bansa. Mahigit 8,000 katao ang nasawi sa mga coastal communities ng North at South Zamboanga, North at South Lanao, North Cotabato, Maguindanao, Sultan Kudarat at Sulu Island.
                             o     O     o





The Yellow-Crested Cockatoo on the cover
of World BirdWatch March 1996 issue.
Lar awang Tribiya
          Ang Yellow-crested Cockatoo, na may pangalang-agham na Cacatua sulphurea, ay ibong matatagpuan sa mga kakahuyang bahagi ng East Timor at sa mga isla ng Selawesi at Lesser Sundas ng Indonesia. Tinatawag din ito sa pangalang Lesser Sulphur-crested Cockatoo.
          Alam niyo ba na ang ibong alaga ng bidang si Detective Tony Baretta (ginampanan ni Robert Blake) sa dating television series na Baretta ay isang Yellow-crested Cockatoo? Ang pangalan ng nagsasalitang ibon ay Lessor.
          Ang Yellow-crested Cockatoo ay critically endangered o lubhang nanganganib ng maubos ang lahi. Sa kasalukuyan ay halos 2,500 ibon na lamang ang nalalabi at patuloy na nangangaunti dahil sa illegal bird trade.
                             o     O     o








1 comment:

  1. This is one more reason why your very good, your topics are relevant!

    ReplyDelete