Monday, September 10, 2012

September 10


Mga komiks (comics) na lumabas sa buwan ng Setyembre

SEPTEMBER 10
Tagalog Klasiks Gtaon 1 Blg. 5, Setyembre 10, 1949
Tampok sa taklob-pahina ang Mga Kuwento ni Lola Basyang: Ang Sirena sa Ilog Pasig”
ni Severino Reyes.

UNANG LABAS
Ang unang labas ng Homestyle Magazine (September
2007) na nagtampok kay Celine Lopez, ang editor ng
Philippine Star “Ystyle” section at sa kaniyang mga
natatanging collections.

Ang Homestyle Magazine (na may subtitle na “Redefining the Filipino Home) ay unang lumabas noong September 2007. Ito ay isang monthly magazine na inilimbag ng New Leaf Publications, Inc. Si Jeff F. Isidro ang editor-in-chief ng magazine na ito na naglalaman na mga artikulo tungkol sa architecture, interior design, landscaping, food, travel at mga natatanging ideya ay pananaw sa buhay, hanap-buhay at pangarap.
                     o     O     o

















Setyembre 10 sa Kasaysayan ng Pilipinas

          Noong Setyembre 10, 1969, itinatag ng dating Unang Ginang Imelda R. Marcos ang Cultural Center of the Philippines. Ito ang naging pangunahing pook-tanghalan ng mga sining at kultura ng Pilipinas.
                                                          o     O     o

          Ang Quirino, na dating bahagi ng lalawigan ng Nueva Vizcaya, ay idineklarang isang bagong lalawigan sa pamamagitan ng Republic Act No. 6394, noong Setyembre 10, 1971.
                                                          o     O     o

          Ang unang Gawad Pambansang Alagad ni Balagtas ay ginanap sa National Press Club noong Setyembre 10, 1988, sa pagtangkilik ng Unyon ng mga Manunulat sa Pilipinas (UMPIL).


Personalities and celebrities born on September 10:
1912 – Mary Ebio Walter, German-Filipino actress – in Bacon (now part of Sorsogon City), Sorsogon (d. February 25, 1993).
1941 – Rosendo Carreon Balinas Jr, lawyer, journalist and chess grandmaster (d. September 24, 1998).
1941 – Ruben Deloso Torres, politician, and government official – in Botolan, Zambales.


Ang “Waldas” ni Francisco V. Coching
Ang nobelang “Waldas” ni Francisco V. Coching,
tampok sa taklob-pahina ng Pilipino Komiks
Blg. 216 na may petsang Setyembre 10, 1955.
          Isa sa itinatanging nobela ni Francisco V. Coching ang “Waldas” (1954-1955) na kapwa niya isinulat at iginuhit para sa mga pahina ng Pilipino Komiks. Ang kuwento ay tungkol sa isang dalagang anak-mayaman na nagngangalang Elizabeth Sandoval, na mula sa pagkabata ay nasusunod ang bawat maibigan, at nagdalagang isang “waldas.” Nagsimula lamang magbago ang lahat nang mabiyudo at makapag-asawang ikalawa ang kaniyang ama ng isang mapanghimasok at malupit na madrasta.
          Ang “Waldas” ay isinapelikula ng Sampaguita Pictures noong 1955 na tinampukan ni Myrna Delgado sa pangunahing papel. Katambal niya si Pancho Magalona. Kasama rin sa pelikula sina Van de Leon, Eddie Garcia, Chichay, Rosa Mia, Conrado Conde, Panchito, Teroy de Guzman at Eddie Arenas.
                             o     O     o






Si Madonna tampok sa taklob-pahina ng Rolling Stone Magazine
September 10, 1987 issue.

Larawang Tribiya
          Alam niyo ba na ang album ni Madonna na True Blue (1986) ay inihandog niya sa kaniyang kabiyak noon na si Sean Penn? Nagbigay ng paghanga ang Rolling Stone Magazine tungkol dito na nagsasabi na ang himig ng mga awiting nasa album ay “nagmumula sa kaniyang puso.” Tatlo sa mga awitin sa album ang umabot sa Number One sa Billboard Hot 100: “Live to Tell,” “Papa Don't Preach” at “Open Your Heart.” Bukod dito dalawa pang awitin mula sa album ang umabaot sa Top Five, “True Blue” at “La Isla Bonita.” Ang True Blue album naman ay pumaimbulog sa top charts ng mahigit 28 bansa.
          Nang sumunod na taon, mula July hanggang September 1987, si Madonna ay nagkaroon ng “Who's That Girl” World Tour. Sa kasamaang palad, sa kaniyang pag-imbulog sa kasikatan, umasim naman ang relasyon nila ni Penn, at noong December 1987, naghain sila ng diborsiyo, na nagkabisa noong January 1989.
                                      o     O     o

No comments:

Post a Comment