Sunday, December 2, 2012

December 2


December issues of different magazines
   
DECEMBER 2
December 02 (2005): MOD Magazine Vol. XXXVII No. 1780
On the Cover: Kristine Hermosa


UNANG LABAS
Ang pahayagang tabloid na Bulgar (Boses ng Masa, Mata ng Bayan) ay unang lumabas sa sirkulasyon noong Disyembre 2, 1991.


Disyembre 2 sa Kasaysayan ng Pilipinas

          Noong Disyembre 2, 1899, ang mga sundalong Filipino, humigit-kumulang 60 ang bilang, na pinamumunuan ni Heneral Gregorio del Pilar, ay magiting na nakipaglaban sa mahigit 300 kawal-Amerikano sa pamumuno ni Major Peyton March, sa Pasong Tirad, Cervantes, Ilocos Sur. Kung hindi sa tulong ng isang mamamatnubay na katutubo, hindi matatagpuan ang isang lihim na lagusan patungo sa kinaruroonan ng mga sundalong Filipino na naging dahilang ng kanilang pagkalupig. Nasawing lumalaban si Heneral Del Pilar, ang bayani ng tinaguriang “Battle of Tirad Pass.”
                                                          o     O     o

          Ang Kapisanan sa Paglilingkod sa Bagong Pilipinas (KALIBAPI) ay itinatag bilang isang partido politikal sa pakikipagkolaborasyon sa Japaneses military authority sa Manila noong Disyembre 2, 1942. Si Jorge Vargas ang pangulo ng partido samantalang si Benigno S. Aquino Sr naman ang director-general. Ang partidong ito ang pumili kay Jose P. Laurel upang maging pangulo ng Pilipinas sa panahon ng pananakop ng mga Hapon.
                                                          o     O     o


MUKHA NG NAKARAAN
Ang 18-anyos na si Sue Lyon (humigit-kumulang apat na taon matapos niyang gawin ang pelikulang Lolita) tampok sa taklob-pahina ng Gent Magazine December 1964 issue. Batay sa kontrobersyal na nobela ni Vladimir Nabokov (1899-1977), halos 15-anyos lamang siya nang ipinalabas ang Lolita noong 1962. Nang tangkain niyang panoorin ang sariling pelikula sa isang sinehan, hindi siya pinayagang makapasok dahil diumano ay menor de edad pa siya.


Personalities and celebrities born on December 2:
1945 – Lualhati Torres Bautista, award-winning novelist and screenwriter – in Tondo, Manila.
1975 – Ramon “Dale” Singson, basketball player – in Cebu City.


Ang “Anak ni Zuma”
Ang nobelang-komiks na “Anak ni Zuma” ni
Jim Fernandez na iginuhit ni Ben Maniclang,
tampok sa taklob-pahina ng Aliwan Komiks
Blg. 465 na may petsang Disyembre 2, 1976.
          Isa sa pinakamahabang serye sa komiks ang “Anak ni Zuma” na tumagal ng humigit-kumulang walong taon. Ito ay likha ni Jim Fernandez at iginuhit ni Ben Maniclang para sa Aliwan Komiks (1976-1984). Ang kuwento ay pagpapatuloy ng naunang serye ni Fernandez na Zuma. Ang mga pangunahing karakter sa kuwentong ito bukod sa taong-ahas na si Zuma ay ang mga anak niya. Si Galema, ang babaeng anak ni Zuma na mayroon ding nakakabit na ahas sa magkabilang panig ng kaniyang leeg. May mabuting kalooban si Galema na taliwas sa kaniyang ama. Ito ay dahil may dugong tao siya, lumaki sa piling ng mga nag-ampon sa kaniyang sina Philip at Isabel, at nagmahal at nagkaasawa, si Morgan. Si Dino, ang lalaking anak ni Zuma na may katawang tao at ulo ng isang malaking ahas. Bukod dito, may isa pang kakambal si Galema, ang puting ahas na sa maraming pagkakataon ay katulong niya.
          Isina-pelikula ang Anak ni Zuma (1987) ng Cine Suerte Inc. bilang sequel ng naunang pelikulang Zuma na ginampanan ni Max Laurel sa ilalim ng direksyon ni Ben S. Yalung. Si Jenny Lyn ang gumanap bilang Galema at si Sonny Erang bilang Dino. Si Laurel pa rin ang gumanap bilang Zuma. Ang iba pang  kasama sa pelikula ay sina Rey PJ Abellana (bilang Morgan), Mark Gil (bilang Philip) at Dang Cecilio (bilang Isabel).
                                                          o     O     o




Si Jennifer Aniston tampok sa taklob-pahina ng
Atlas TV Guide 3rd Anniversary Issue Special
(December 2002).

Larawang Tribiya
          Sino ang hindi makakakilala sa Hollywood celebrity na si Jennifer Aniston? Lalo pa kung babanggitin ang popular na TV series na Friends at ang mga pelikulang Bruce Almighty (2003) at Break-Up (2006). Alam niyo bang naging bahagi rin siya at hinangaan sa kaniyang pagganap sa mga independent films? Kabilang dito ang She’s the One (1996), Office Space (1999), The Good Girl (2002) and Friends with Money (2006).
                             o     O     o



No comments:

Post a Comment