Wednesday, August 29, 2012

August 29


Mga komiks (comics) na lumabas sa sirkulasyon sa buwan ng Agosto

AUGUST 29
Modern Komiks Taon 2 Blg. 31, Agosto 29, 1967
Tampok sa taklob-pahina si “Captain Modern” na kathang-isip ni Jul Calixto at iginuhit ni Al Sanchez.

Agosto 29 sa Kasaysayan ng Pilipinas

          Noong Agosto 29, 1898, Hinalinhan ni Heneral Elwell Otis si Heneral Wesley Merritt bilang American military governor ng Pilipinas. Si Otis ay nakilala sa kasaysayan sa paggawa ng mga kalupitan at kabuktutan laban sa mga mamamayang Filipino nang panahon ng Philippine-American War.
                                                          o     O     o

          Ika-29 ng Agosto, 1981, nang maging World Junior Lightweight boxing champion si Rolando Navarrete matapos niyang mapatulog ang Ugandan-born na si Coenelius Boza-Edwards.
                                                          o     O     o

          Napasama si Eugene Torre sa grandmaster candidate match sa Mexico noong Agosto 29, 1982. Si Torre ang kauna-unahang Filipino at Asyano na naging grandmaster sa chess.
                                                          o     O     o 


Personalities and celebrities born on August 29:
1862 – Candido Tirona, revolutionary general, Secretary of War of the Magdalo Council and hero of the Battle of Binakayan – in Kawit, Cavite (d. November 10, 1896).
1930 – Caloy Loyzaga (full name Carlos M. Loyzaga), basketball player known as the “Big Difference” – in Manila.
1935 – Luis R. Villafuerte Sr, politician – in Camarines Sur.
1954 – Neptali Medina Gonzales Jr, politician – in Mandaluyong City.
1958 – Chito Loyzaga (full name Joaquin Cuerva Loyzaga), basketball player – in Manila.
1988 – Iwa Moto (real name Aileen Quinodo Iwamoto), actress and model.
Iwa Moto gracing the covers of UNO Magazine January 2008 issue,
FHM Philippines September 2008 issue and Playboy Philippines August 2012 issue.


Ang “Bondying”
Tampok sa taklob-pahina ng Pilipino Komiks
Blg. 163 na may petsang Agosto 29, 1953,
ang likhang karakter at kuwento ni Mars Ravelo
na “Bondying” (Ang Batang Laki sa Nuno).
          Kakaiba sa lahat ng mga karakter sa komiks ang “Bondying” na likhang-isip ni Mars Ravelo. Ito ay kuwento tungkol sa isang taong lumaki na ang pag-iisip at pananalita ay nanatiling sa isang batang paslit, na bagama’t inosente ang pagkukuro ay may natatanging talino at katusuan. Ito ay dahil sa pagpapalaki ng kaniyang lola. Karaniwang tampulan ng katatawanan ang mga pangyayaring pumapalibot sa kapaligiran niya, lalo na ang hawak niyang napakalaking mamador. Datapuwa’t may drama ring aantig sa puso ng mga mambabasa.
          Ayon mismo kay Ginoong Ravelo, isa ang Bondying sa limang pinaka-paborito niyang obra. Maganda ang pagkakasulat ng kuwento na may naiibang kiliti na sinubaybayan ng mga mambabasa. Una itong lumabas sa mga pahina ng Pilipino Komiks Blg. 161 noong Agosto 1, 1954. Ito ay iginuhit ni Elpidio Torres.
          Mula sa panulat ni Ravelo, ilang pelikula rin ang ginawa na kinatampukan ng karakter na si Bondying. Ang una ay ang Bondying (1954) na isinapelikula ng Sampaguita Pictures sa ilalim ng direksiyon ni Armando Garces at pinagbidahan ni Fred Montilla. Nasundan ito ng Tatay na si Bondying (1955) na si Fred Montilla pa rin ang gumanap sa pangunahing papel. Taong 1973 nang lumabas ang Ato Ti Bondying na pinatnugutan ni Celso Ad. Castillo, kung saan si Jay Ilagan naman ang gumanap na Bondying. Ang huli ay pinagbidahan ni Jimmy Santos – ang Bondying: The Little Boy (1989) – kung saan ang screenplay ay isinulat ni Jose Javier Reyes at ginawa sa ilalim ng direksiyon ni Mike Relon Makiling.
                                                          o     O     o



“Rogel Maglaya”
Pinoy Komiks Taon 1 Blg. 8, Agosto 29, 1963.
Tampok sa taklob-pahina ang “Rogel Maglaya”
na kathang-isip ni Damy Velasquez at iginuhit
ni Celso Trinidad.
          Isang masalimuot na kuwento ng iba’t-ibang pakikibaka ang likhang-isip ni Damy Velasquez sa katauhan ng karakter na si “Rogel Maglaya”. Ito ay iginuhit ni Celso Trinidad at unang lumabas kasabay ng unang isyu ng Pinoy Komiks noong Mayo 23, 1963.
                             o     O     o
















Si Anne Curtis, tampok sa taklob-pahina ng
Gadgets Magazine 10th Anniversary issue
(August 2010).

Larawang Tribiya
          Si Anne Curtis ay 12-anyos lamang nang siya ay madiskubre na maging artista. Ito ay habang nagbabakasyon siya sa Pilipinas galing ng Australia kung saan sila naninirahan ng kaniyang mga magulang. Si Anne Curtis ay anak ng isang abogadong Australian na nagngangalang James Curtis-Smith at ni Carmen Ojales, isang Filipinang may dugong Kastila.
          Noong 2010, dalawang pelikula ang nilabasan ni Anne Curtis kung saan mga ex-boyfriends niya ang naging katambal niya, si Sam Milby sa pelikulang Babe, I Love You at si Richard Gutierrez sa pelikulang In Your Eyes, kung saan napili siyang Best Supporting Actress sa 29th Luna Awards.
                             o     O     o

No comments:

Post a Comment