Tuesday, April 3, 2012

April 3


April issues of different magazines

April 3
People Weekly, April 3, 1978
On the cover: The Oscar Best Actress contenders
(Clockwise from left, Diane Keaton of Annie Hall, the winner,
Shirley MacLaine of The Turning Point,
Jane Fonda of Julia,
Marsha Mason of The Goodbye Girl,
and Anne Bancroft of The Turning Point.

Ang unang labas ng Pogi Komiks, Abril 3, 1969.
UNANG LABAS
Ang Pogi Komiks ay unang lumabas sa sirkulasyon noong Abril 3, 1969. Bagama’t ito ay naglalaman ng mga sexy pictures at mga sanaysay tungkol sa sex at sexuality, hindi bulgar o malaswa ang pagsasalarawan at ilustrasyon nito katulad ng mga tinaguriang “bomba” o x-rated komiks. Ito ay pinatnugutan nina Ted Tenorio (Editor) at Mars Ravelo (Editorial Director) na manapa’y ang layunin ay labanan ang paglaganap ng mga malalaswang babasahin na inilalathala ng mga “underground” publications.
Tampok sa komiks na ito ang mga nobela na "Sa Bawat Saglit... Sindak (sinulat ni Mars Ravelo at iginuhit ni Mar T. Santana), "Uhaw" (Deo Villegas at Elmer Esquivias), "Big Bernard" (Ric Torres at Arnie Dominguez), mga comedy strips na "Dumb Dora" (Deo C. Gonzales at Vir Aguirre), "Dr. Ispongklong" (Ted Tenorio at Bert Sarile) at "Ngisi" (Al Magat), at mga wakasang kuwentong "Hayok" (Virgilio N. Mateo at Vic R. Geronimo) at "Bitag" (Dante Castel at Vic R. Geronimo).

Ang unang labas ng nobelang komiks na “Uhaw” na isinulat ni Deo Villegas at iginuhit ni Elmer Esquivias.


Ang Dr. Ispongklong ni Ted Tenorio at Bert Sarile

          Ang komiks comedy series na “Dr. Ispongklong,” na nilikha ni Ted Tenorio at iginuhit ni Bert Sarile at unang lumabas sa Pogi Komiks noong Abril 3, 1969, ay puno ng nakakatawang kuwento ng mga kalokohan ng pangunahing karakter na si Dr. Ispongklong at ng mga tao sa kaniyang paligid. May temang seksuwal ang kuwento na angkop sa Pogi Komiks. Si Dr. Ispongklong, ay isang manggagamot (kuno) na laging naka-pipa na may dalawang sigarilyo, may nakakabit na light reflector sa kaniyang noo, at laging may hawak na stethoscope. May pagkahilig din sa mga seksing babae ang doctor na ito.

Ang unang labas ng Dr. Ispongklong
          Alam niyo ba kung ano ang ibig sabihin ng salitang “ispongklong?” Batay sa aking pagsasaliksik, ito ay isang salitang naimbento sa loob ng editorial office ng Pilipino Komiks Inc. Bukod sa paglikha kay Dr. Ispongklong, si Ted Tenorio ay nahirang ding isa sa mga editors ng Pogi Komiks. Sa simula, ang naisip niyang ipangalan sa kaniyang karakter ay “Dr. Mahilig,” subalit hindi niya ito itinuloy. Nais niyang ang pangalan ay maging kawiliwili at naiiba. Humingi siya ng tulong sa kapwa editor na si Mars Ravelo. Nakatakda ng iimprenta ang comedy skit niya sa loob ng unang isyu ng Pogi Magazine for Men subali’t wala pa silang maisip na pangalan. Kaya ang ginawa ni Mars Ravelo ay kumuha ng coupon bond at inilagay sa typewriter, ipinikit niya ang kaniyang mga mata at nagtipa. Ang mga letrang tumatak sa coupon bond at I-s-p-t-o-n-g-k-r-l-o-n-g. Pinagmasdan nilang mabuti at natawa. Nasabi ni Tenorio kay Ravelo na “wala na silang maisip na matino.” Pero napansin ni Ravelo na kung aalisin ang letrang “t” at “r,” ang lalabas ay “Ispongklong.” Pinagtiyap naman na ang “t” ay para sa Tenorio at ang “r” ay para sa Ravelo. Nagkamay ang dalawa at lumabas na ang “Dr. Ispongklong.”

          Kaya ang ibig sabihin ng “ispongklong” ay “taong walang maisip na matino” na siyang karakter ni Dr. Ispongklong.

                              o     O     o



Ang Dumb Dora ni Deo C. Gonzales at Vir Aguirre

          Ayon mismo sa pagkakalarawan ni Deo C. Gonzales, si “Dumb Dora” ay isang babaeng may pinagsama-samang katangian nina Cleopatra, Mata Hari at Marilyn Monroe, na dinagdagan ng saksakang katangahan. Siya ay “sidekick” at “girl-Friday” ni Singko Nire, Agent 7-11, isa namang sikret edyent na saksakan ng lakas ang hangin sa utak, subali’t pinakyaw na yata lahat ng uri ng kabugukan. Ang nakatutuwang comedy series na ito ay kasabay ring lumabas ng unang isyu ng Pogi.

Ang unang labas ng Dumb Dora
                              o     O     o


Events that happened on April 3
1823 – The cornerstone of the Intendencia (now occupied by the Central Bank of the Philippines) was put in place.
1942 – Lt. Gen. Masaharu Homma (1887-1946) was executed for his crimes and atrocities specifically during the Bataan Death March.


Personalities and celebrities born on April 3:
1867 – Jose Albert, doctor, scientist, delegate to the Malolos Constitution and member of Emilio Aguinaldo’s cabinet – in Manila (d. August 13, 1946).
1939 – Lino Brocka (full name Catalino Ortiz Brocka), film director, Ramon Magsaysay awardee (1985) and National Artist for Cinema – in Pilar, Sorsogon (d. May 21, 1991).
1943 – Subas Herrero (real name Ricardo Jaime Herrera), actor-comedian – in Manila.




Larawang Tribiya
“Frontiers of the Mind,” Special report on
New Scientist April 3, 2010 issue.
          Ang average na timbang ng utak ng tao ay 1.4 kilogram, subalit ang kakayahan nito at mga bagay na nagagawa ay kadalasang sinasabing higit pang masalimuot kaysa anomang computer na nalikha o iniisip na gawin. Hanggang ngayon ay walang siyentista ang makapagsasabi ng tahasan na malinaw niyang nalalaman ang lahat ng bagay tungkol sa utak ng tao. Ang utak ng tao ang tanging bahagi na hindi kayang palitan o ilipat.
          Marami na ang nagtangkang sukatin ang kakayahan ng utak ng tao. Kadalasang ikinukumpara ito sa computer. Ayon kay Hans Moravec, na kilala sa kaniyang mga pananaliksik sa larangan ng robotics at artificial intelligence, ang utak ng tao ay kaniyang magproseso ng 100 trillion instructions kada segundo. Ito ay ibinatay niya sa kakayahan ng utak na magproseso ng image inputs mula sa retina ng ating mga mata. Ayon din sa kaniya, batay sa technological standard at advancement sa kasalukuyan, maaaring malagpasan ito ng computer sa taong 2030.
          Kung maaari namang gumawa ng computer na katulad na katulad ng utak ng tao sa kakayahan at buong kagamitan, tinatayang ang laki ng computer na bubuuin ay hindi magkakasya sa land area ng buong Metro Manila!
                                                                        o     O     o





No comments:

Post a Comment